លោក មាជ សុវណ្ណារ៉ា នៅពេលសមត្ថកិច្ចនាំមកជំនុំជម្រះនៅតុលាការកំពូលកាលពីកន្លងមក ។
ភ្នំពេញៈ
អតីតមន្ត្រីជាន់ខ្ពស់អតីតគណបក្សសង្គ្រោះជាតិលោក មាជ សុវណ្ណារ៉ា
ដែលកំពុងជាប់ពន្ធនាគារព្រៃសត្រូវបានសមត្ថកិច្ចរកឃើញមានកំហុសថ្មីមួយទៀតពាក់ព័ន្ធនឹងករណីលួចច្នៃប្រព័ន្ធទូរទស្សន៍ដែលអាចនិយាយតាមប្រព័ន្ធ
online ទៅខាងក្រៅបាន
ជាទង្វើមួយដែលប្រឈមនឹងការដាក់ពិន័យតាមបទបញ្ជាផ្ទៃក្នុងរបស់ពន្ធនាគារ
និងទៅតាមផ្លូវច្បាប់បន្ថែមទៀត។
ការរកឃើញនេះបានកើតឡើងមួយថ្ងៃ បន្ទាប់ពីលោកនាយករដ្ឋមន្ត្រី ហ៊ុន សែន បញ្ជាឲ្យដកហូតទូរស័ព្ទពីលោក មាជ សុវណ្ណារ៉ា បន្ទាប់ពីលោកបានទទួលព័ត៌មានថា ទណ្ឌិតរូបនេះបានប្រើទូរស័ព្ទជារៀងរាល់ថ្ងៃនៅក្នុងពន្ធនាគារ។
អ្នកនាំពាក្យអគ្គនាយកដ្ឋានពន្ធនាគារក្រសួងមហាផ្ទៃលោក សន កែវ បានថ្លែងកាលពីម្សិលមិញថា នៅពេលស្រាវជ្រាវទៅវាមិនមែនជាការប្រើទូរស័ព្ទតាមធម្មតានោះទេ ប៉ុន្តែជាការលួចប្រើបច្ចេកទេសដោយបានភ្ជាប់គ្នាជាមួយទូរទស្សន៍ដើម្បីនិយាយចេញខាងក្រៅ។
លោកបានបញ្ជាក់ថា៖ “ពេលដែលយើងស្រាវជ្រាវ មិនមែនទូរស័ព្ទទេ។ គាត់បានលួចកែច្នៃទូរទស្សន៍ដោយសារនៅពន្ធនាគារយើងដាក់ទូរទស្សន៍ឲ្យជនជាប់ឃុំមើល។ គាត់ចេះបច្ចេកទេស និងច្នៃទូរទស្សន៍អាចយកទៅនិយាយដូចប្រព័ន្ធអ៊ីនធឺណិត។ តាមលទ្ធផលស្រាវជ្រាវ វាមិនមែនជាទូរស័ព្ទ...ហើយពុំមានការឃុបឃិតនាំទូរស័ព្ទចូលទេ។ គាត់បានច្នៃប្រព័ន្ធទូរទស្សន៍និយាយតាមប្រព័ន្ធ online ទៅក្រៅ។ យើងមិនដឹងថាគាត់បានភ្ជាប់វាតាមរបៀបណានោះទេ”។
លោកបានបន្ថែមថា៖ “យើងរកឃើញ យើងបានដកហូតទូរទស្សន៍ និងបានចាត់វិធានការជំនាញរបស់យើងតាមនីតិវិធីហើយនិងវិធានការបំបែកបន្ទប់របស់ជំនាញ ហើយគេបានចាត់វិធានការរួចរាល់ហើយ”។
តាមរយៈការរកឃើញនេះបើតាមលោក សន កែវ លោក មាជ សុវណ្ណារ៉ា ត្រូវប្រឈមមុខនឹងការដាក់ទោសបន្ថែមទៅតាមបទបញ្ជាផ្ទៃក្នុង និងច្បាប់ទាក់ទងនឹងពន្ធនាគារ។ ប៉ុន្តែលោកមិនបានបញ្ជាក់លម្អិតពីទម្ងន់ទោសបន្ថែមនោះទេ។
លោក សន កែវ បានបញ្ជាក់ថា៖ “ជាធម្មតាការគ្រប់គ្រងជនជាប់ឃុំ យើងមានបទបញ្ជាផ្ទៃក្នុងរបស់យើង នៅពេលគាត់រំលោភបទបញ្ជាផ្ទៃក្នុង យើងនឹងចាត់វិធានការតាមកម្រិតល្មើសរបស់គាត់...យើងនឹងពិនិត្យមើលទៅតាមលក្ខណៈជាក់ស្តែងទៀត” ។
លោក ថេង សាវឿន អគ្គលេខាធិការសម្ព័ន្ធសហគមន៍កសិករកម្ពុជាដែលធ្លាប់ជាប់ពន្ធនាគារព្រៃសដោយសារការបង្ក្រាបនៅតាមផ្លូវវេងស្រេងបានថ្លែងកាលពីម្សិលមិញថានៅក្នុងពន្ធនាគារ បើតាមលោកដឹងគេអាចប្រើទូរស័ព្ទបានតែក្នុងរូបភាពលួចលាក់ប៉ុណ្ណោះ។
លោកបានបញ្ជាក់ថា៖ “គេអាចប្រើបានតែក្នុងរូបភាពលួចលាក់។ កាលដែលយើងនៅទីនោះយើងទទួលបានព័ត៌មានថាមានការប្រើប្រាស់ទូរស័ព្ទនៅក្នុងពន្ធនាគារដោយលួចលាក់។
តែយើងមិនដឹងថា គេលួចប្រើយ៉ាងម៉េចទេ...យើងឮអ្នកទោសផ្សេងៗគេនិយាយថា គេអាចលួចប្រើទូរស័ព្ទបាន”។
លោក ឃៀង ឡាយ ប្រធាននាយកដ្ឋានអប់រំកែប្រែ និងស្ដារនីតិសម្បទាក៏បានថ្លែងកាលពីម្សិលមិញដែរថា៖ “យើងបានរកឃើញ។ គាត់មិនមែនប្រើទូរស័ព្ទទេ។ គាត់មានបច្ចេកទេសម្យ៉ាងដែលភ្ជាប់ជាមួយទូរទស្សន៍។ ឥឡូវនេះយើងកំពុងបញ្ជូនទូរទស្សន៍ទៅឲ្យខាងប្រឆាំងព័ត៌មានវិទ្យាដើម្បីពិនិត្យមើលថា តើការប្រើប្រាស់របស់គាត់នេះ...ប្រើទៅកន្លែងណាខ្លះ?”។
លោកបន្ថែមថា៖ “មើលទៅជារូបទូរទស្សន៍ធម្មតា...យើងឃើញខ្សែចម្លែកចេញមក។
គ្រាន់តែគេពិនិត្យភ្លាមគេថា ការបញ្ជាទូរស័ព្ទគឺតាមឧបករណ៍នេះ។ វាមិនមែនជាទូរស័ព្ទទេ ប៉ុន្តែគេអាចប្រើវា។ វាអាចចេញមកផ្សាយទាក់ទងដូចទូរស័ព្ទ...។ គាត់អាចប្រើវាតាមប្រព័ន្ធអង់តែនទូរទស្សន៍តែម្តង។ នេះជាការស្មាន ពីព្រោះនោះយើងរកមិនឃើញអ្វីដែលភ្ជាប់ក្រៅពីអង់តែនទូរទស្សន៍នោះទេ”។
លោកបានបន្តថា៖ “យើងបានបញ្ជូនទៅខាងសន្តិសុខផ្ទៃក្នុងហើយដោយសារគេមានប្រព័ន្ធផ្សេងៗដែលអាចស្រាវជ្រាវបន្ត...នេះជារឿងចម្លែកដែលខ្ញុំក៏មិនដែលប្រទះដែរ។ យើងបានរឹតបន្ដឹងអំពីការលួចទូរស័ព្ទចូល”។
ទោះយ៉ាងណាក្ដីលោក ឃៀង ឡាយ ថាលោកមិនអាចនិយាយបានទាក់ទងមន្ត្រីដែលពាក់ព័ន្ធករណីនេះទេ ពីព្រោះស្ថិតនៅក្នុងការស្រាវជ្រាវ ហើយលោក មាជ សុវណ្ណារ៉ា មានទោសទណ្ឌទៅតាមផ្លូវច្បាប់។
លោក មាជ សុណ្ណារ៉ា ត្រូវបានតុលាការផ្តន្ទាទោសដាក់ពន្ធនាគារ ២០ ឆ្នាំកាលពីខែធ្នូឆ្នាំ ២០១៥ ចោទប្រកាន់ពីបទដឹកនាំកុបកម្មនៅអតីតសួនប្រជាធិបតេយ្យ។
ទោះបីជាយ៉ាងណាក៏ដោយទោសរបស់លោក មាជ សុវណ្ណារ៉ា ត្រូវបានលោកនាយករដ្ឋមន្ត្រីទុកថា ជាប់គុកគ្មានថ្ងៃចេញ ខណៈដែលលោកក៏បានព្រមានដកមេប៉ូលិសផងដែរ ប្រសិនបើគ្រប់គ្រងលោក មាជ សុវណ្ណារ៉ា មិនបានទេនោះ៕
ការរកឃើញនេះបានកើតឡើងមួយថ្ងៃ បន្ទាប់ពីលោកនាយករដ្ឋមន្ត្រី ហ៊ុន សែន បញ្ជាឲ្យដកហូតទូរស័ព្ទពីលោក មាជ សុវណ្ណារ៉ា បន្ទាប់ពីលោកបានទទួលព័ត៌មានថា ទណ្ឌិតរូបនេះបានប្រើទូរស័ព្ទជារៀងរាល់ថ្ងៃនៅក្នុងពន្ធនាគារ។
អ្នកនាំពាក្យអគ្គនាយកដ្ឋានពន្ធនាគារក្រសួងមហាផ្ទៃលោក សន កែវ បានថ្លែងកាលពីម្សិលមិញថា នៅពេលស្រាវជ្រាវទៅវាមិនមែនជាការប្រើទូរស័ព្ទតាមធម្មតានោះទេ ប៉ុន្តែជាការលួចប្រើបច្ចេកទេសដោយបានភ្ជាប់គ្នាជាមួយទូរទស្សន៍ដើម្បីនិយាយចេញខាងក្រៅ។
លោកបានបញ្ជាក់ថា៖ “ពេលដែលយើងស្រាវជ្រាវ មិនមែនទូរស័ព្ទទេ។ គាត់បានលួចកែច្នៃទូរទស្សន៍ដោយសារនៅពន្ធនាគារយើងដាក់ទូរទស្សន៍ឲ្យជនជាប់ឃុំមើល។ គាត់ចេះបច្ចេកទេស និងច្នៃទូរទស្សន៍អាចយកទៅនិយាយដូចប្រព័ន្ធអ៊ីនធឺណិត។ តាមលទ្ធផលស្រាវជ្រាវ វាមិនមែនជាទូរស័ព្ទ...ហើយពុំមានការឃុបឃិតនាំទូរស័ព្ទចូលទេ។ គាត់បានច្នៃប្រព័ន្ធទូរទស្សន៍និយាយតាមប្រព័ន្ធ online ទៅក្រៅ។ យើងមិនដឹងថាគាត់បានភ្ជាប់វាតាមរបៀបណានោះទេ”។
លោកបានបន្ថែមថា៖ “យើងរកឃើញ យើងបានដកហូតទូរទស្សន៍ និងបានចាត់វិធានការជំនាញរបស់យើងតាមនីតិវិធីហើយនិងវិធានការបំបែកបន្ទប់របស់ជំនាញ ហើយគេបានចាត់វិធានការរួចរាល់ហើយ”។
តាមរយៈការរកឃើញនេះបើតាមលោក សន កែវ លោក មាជ សុវណ្ណារ៉ា ត្រូវប្រឈមមុខនឹងការដាក់ទោសបន្ថែមទៅតាមបទបញ្ជាផ្ទៃក្នុង និងច្បាប់ទាក់ទងនឹងពន្ធនាគារ។ ប៉ុន្តែលោកមិនបានបញ្ជាក់លម្អិតពីទម្ងន់ទោសបន្ថែមនោះទេ។
លោក សន កែវ បានបញ្ជាក់ថា៖ “ជាធម្មតាការគ្រប់គ្រងជនជាប់ឃុំ យើងមានបទបញ្ជាផ្ទៃក្នុងរបស់យើង នៅពេលគាត់រំលោភបទបញ្ជាផ្ទៃក្នុង យើងនឹងចាត់វិធានការតាមកម្រិតល្មើសរបស់គាត់...យើងនឹងពិនិត្យមើលទៅតាមលក្ខណៈជាក់ស្តែងទៀត” ។
លោក ថេង សាវឿន អគ្គលេខាធិការសម្ព័ន្ធសហគមន៍កសិករកម្ពុជាដែលធ្លាប់ជាប់ពន្ធនាគារព្រៃសដោយសារការបង្ក្រាបនៅតាមផ្លូវវេងស្រេងបានថ្លែងកាលពីម្សិលមិញថានៅក្នុងពន្ធនាគារ បើតាមលោកដឹងគេអាចប្រើទូរស័ព្ទបានតែក្នុងរូបភាពលួចលាក់ប៉ុណ្ណោះ។
លោកបានបញ្ជាក់ថា៖ “គេអាចប្រើបានតែក្នុងរូបភាពលួចលាក់។ កាលដែលយើងនៅទីនោះយើងទទួលបានព័ត៌មានថាមានការប្រើប្រាស់ទូរស័ព្ទនៅក្នុងពន្ធនាគារដោយលួចលាក់។
តែយើងមិនដឹងថា គេលួចប្រើយ៉ាងម៉េចទេ...យើងឮអ្នកទោសផ្សេងៗគេនិយាយថា គេអាចលួចប្រើទូរស័ព្ទបាន”។
លោក ឃៀង ឡាយ ប្រធាននាយកដ្ឋានអប់រំកែប្រែ និងស្ដារនីតិសម្បទាក៏បានថ្លែងកាលពីម្សិលមិញដែរថា៖ “យើងបានរកឃើញ។ គាត់មិនមែនប្រើទូរស័ព្ទទេ។ គាត់មានបច្ចេកទេសម្យ៉ាងដែលភ្ជាប់ជាមួយទូរទស្សន៍។ ឥឡូវនេះយើងកំពុងបញ្ជូនទូរទស្សន៍ទៅឲ្យខាងប្រឆាំងព័ត៌មានវិទ្យាដើម្បីពិនិត្យមើលថា តើការប្រើប្រាស់របស់គាត់នេះ...ប្រើទៅកន្លែងណាខ្លះ?”។
លោកបន្ថែមថា៖ “មើលទៅជារូបទូរទស្សន៍ធម្មតា...យើងឃើញខ្សែចម្លែកចេញមក។
គ្រាន់តែគេពិនិត្យភ្លាមគេថា ការបញ្ជាទូរស័ព្ទគឺតាមឧបករណ៍នេះ។ វាមិនមែនជាទូរស័ព្ទទេ ប៉ុន្តែគេអាចប្រើវា។ វាអាចចេញមកផ្សាយទាក់ទងដូចទូរស័ព្ទ...។ គាត់អាចប្រើវាតាមប្រព័ន្ធអង់តែនទូរទស្សន៍តែម្តង។ នេះជាការស្មាន ពីព្រោះនោះយើងរកមិនឃើញអ្វីដែលភ្ជាប់ក្រៅពីអង់តែនទូរទស្សន៍នោះទេ”។
លោកបានបន្តថា៖ “យើងបានបញ្ជូនទៅខាងសន្តិសុខផ្ទៃក្នុងហើយដោយសារគេមានប្រព័ន្ធផ្សេងៗដែលអាចស្រាវជ្រាវបន្ត...នេះជារឿងចម្លែកដែលខ្ញុំក៏មិនដែលប្រទះដែរ។ យើងបានរឹតបន្ដឹងអំពីការលួចទូរស័ព្ទចូល”។
ទោះយ៉ាងណាក្ដីលោក ឃៀង ឡាយ ថាលោកមិនអាចនិយាយបានទាក់ទងមន្ត្រីដែលពាក់ព័ន្ធករណីនេះទេ ពីព្រោះស្ថិតនៅក្នុងការស្រាវជ្រាវ ហើយលោក មាជ សុវណ្ណារ៉ា មានទោសទណ្ឌទៅតាមផ្លូវច្បាប់។
លោក មាជ សុណ្ណារ៉ា ត្រូវបានតុលាការផ្តន្ទាទោសដាក់ពន្ធនាគារ ២០ ឆ្នាំកាលពីខែធ្នូឆ្នាំ ២០១៥ ចោទប្រកាន់ពីបទដឹកនាំកុបកម្មនៅអតីតសួនប្រជាធិបតេយ្យ។
ទោះបីជាយ៉ាងណាក៏ដោយទោសរបស់លោក មាជ សុវណ្ណារ៉ា ត្រូវបានលោកនាយករដ្ឋមន្ត្រីទុកថា ជាប់គុកគ្មានថ្ងៃចេញ ខណៈដែលលោកក៏បានព្រមានដកមេប៉ូលិសផងដែរ ប្រសិនបើគ្រប់គ្រងលោក មាជ សុវណ្ណារ៉ា មិនបានទេនោះ៕
Comments
Post a Comment