មូល​ហេតុ​ពិត UEFA ជ្រើស​រើស​កម្ពុជា​ធ្វើ​ជា​ម្ចាស់​ផ្ទះ​ព្រឹត្តិការណ៍​លំដាប់​ធំ​មួយ ដើ​ម​ខែ​មេសា នេះ

ជា​លើក​ដំបូង​បំផុត កម្ពុជា ត្រូវ​បាន UEFA ផ្ដល់​សិទ្ធិ​ឲ្យ​ធ្វើ​ជា​ម្ចាស់​ផ្ទះ​កម្មវិធី «ដំណើរ​ទេសចរណ៍​ពាន​រង្វាន់ UEFA Champions League ឬ UEFA Champions League Trophy Tour 2018» ដោយ​អតីត​វីរបុរស​ក្រុម​បិសាច​ក្រហម Ruud Van Nistelrooy នឹង​កាន់​ពាន​ដ៏​ធំ​របស់​អឺរ៉ុប​មួយ​នេះ មក​កម្ពុជា បង្ហាញ​ដល់​អ្នក​គាំទ្រ​បាល់​ទាត់​ទាំង​អស់។
ព្រឹត្តិការណ៍​ធំ​មិន​ធ្លាប់​មួយ​នេះ នឹង​ធ្វើ​ឡើង​ចាប់​ពី​ថ្ងៃ​ទី ២ ដល់ ៤ មេសា ២០១៨ ដែល​រៀប​ចំ​ដោយ​ក្រុមហ៊ុន​ស្រាបៀរ Heineken®។
កម្ពុជា​ត្រូវ​ប្រកួតប្រជែង​ជា​បណ្ដា​ប្រទេស​ផ្សេងៗ​ទៀត​លើ​ពិភពលោក​ជាង ១៩២ ប្រទេស ទម្រាំ​បាន​សិទ្ធិ​ធ្វើ​ជា​ម្ចាស់​ផ្ទះ​មួយ ក្នុង​ចំណោម​ប្រទេស​សរុប​ចំនួន ៦ ដែល​ត្រូវ​ជ្រើស​ជា​ម្ចាស់​ផ្ទះ​ក្នុង​ព្រឹត្តិការណ៍​ខាង​លើ​ទាំង​មូល។

យោង​តាម​ក្រុមហ៊ុន​ស្រាបៀរ Heineken® ប្រចាំ​កម្ពុជា​ដែល​ជា​អ្នក​ដាក់​កម្ពុជា​ប្រជែង​យក​សិទ្ធិ​ធ្វើ​ជា​ម្ចាស់​ផ្ទះ​កម្មវិធី UEFA Champions League Trophy Tour 2018 នេះ បាន​ឲ្យ​ដឹង​ថា កម្ពុជា ទទួល​បាន​សិទ្ធិ​ពិសេស​នេះ ដោយ​សារ​តែ៖

• មាន​អ្នក​គាំទ្រ​កម្មវិធី​ប្រកួត​ក្របខ័ណ្ឌ UEFA Champions League យ៉ាង​ច្រើន
• មាន​សេដ្ឋកិច្ច​កំពុង​អភិវឌ្ឍ​ឆាប់​រហ័ស
• មាន​តំបន់​ទេសភាព​ធម្មជាតិ​ស្រស់​ស្អាត​ជា​ច្រើន។

ព្រឹត្តិការណ៍​នេះ ចាប់​ផ្ដើម​តាំង​ពី​ឆ្នាំ​២០០៧ មក​ម្ល៉េះ គឺ​រយៈ​ពេល ១១ ឆ្នាំ ហើយ​បាន​ទៅ​ដល់ ២៦ ប្រទេស​នៅ​ទូទាំង​ទ្វីប​អាហ្វ្រិក អាស៊ី អាមេរិក​ខាង​ត្បូង និង​អាមេរិក​ខាង​ជើង។
JongVa Khmer news នឹង​ចេញ​ផ្សាយ​ព័ត៌មាន​ឆាប់ៗ​នេះ​ពាក់ព័ន្ធ​នឹង​ឱកាស​សម្រាប់​អ្នក​គាំទ្រ​ចូលរួម​ក្នុង​ព្រឹត្តិការណ៍​នេះ ឬ​តាម​ដាន​ផេក